Vocabolari italian/piemontèis e piemontèis/italian. Për ël moment i l'oma butà su 'na version ridòta con 22.000 vocaboj. A l'è nòstra intension përfessionela an manera ëd rendla la pì completa possibil.  Ades a l'è consultabil an linea e, pen-a i riveroma a 30.000 vocaboj, i publicheroma 'na version stampà con un CD-ROM consultabil sël propri computer.

1) E l'oma dàit na cita rangià a l'aspét general dël sit, i l'oma rendù presentabij ij risultà d'la risserca.
2) Una neuva session a l'é stàita giontà: la Gramàtica Piemontèisa. Për ël moment a conten mach le régole prinsipaj ëd létura e d'ëscritura dël piemontèis.
Sossì për permëtte a coj ch'a son nen costumà con la grafìa piemontèisa ëd deuvré l'istess ël nòstr dissionari e vocabolari an ligna.
Ant l'avnì costa session a contenrà 'na gramàtica completa e d'articoj riguardant ëd problema d'ortografìa, ëd sintassi e ëd gramàtica piemontèisa.
3) A-i é 'na neuva pagina d'agiut per consulté mej nòstr dissionari perchè i l'oma vist che a-i é ëd gent ch'a serca ëd frasi antreghe, d'le forme verbaj, nòm e agetiv al feminin o al plural, verb con ël pronòm personal danans e nòm con lor bel articol. Speroma d'avej s-ciarì un pòc ij idèje.

Acetoma la colaborassion ëd tuti vojàutri. Se e conosse dij vocaboj ràir, d'le stòrie piemontèise, d'le cansson dij cit, dij proverbi o dle espression ò dij termin gergaj, fé ël piasì ëd segnalenje deuvrand ël formulari d'la pagina ëd contat. Se al contrari e seve appassionà ëd lë studi dël piemontèis alora e peudrije colaboré gratuitament a la redassion dël Grand Dissionari Piemontèis; an tal cas mandene vòstr numer ëd telefòno o vòstr indiris eletrònich. Sareve prest contatà per butesse d'acòrdi sij termin ëd vòstra disponibilità. Giutene a nen fé meure ël piemontèis!